- 624 -

1434. März 16. o. O.

Der Hofrichter zu Liegnitz und die Mannen daselbst verkünden ein von den Mannen zu Donin gesprochenes Urtheil in dem über die Stadthaide zwischen Peter Brauchatsch und der Stadt Liegnitz schwebenden Streite.

Ich Anthonius Gefuge hoferichter zu Legnicz vnd dy man, dy czum rechtin sitczin doselbist, Hans Swencz, Hencze Landskron, Hencze von Panthenaw, Frederich Poser, Anthonius Falkenhayn, Gregor Tesschener vnd Hans Keiser bekennen, das vor vns in gehegtim dinge in den teidingen czwisschin Petir Brawchatsch an eyme vnd den ratmannen der stat Legnicz am andern teile eyn orteil wart geholit czu Donyn von worte zu worte sulchis lowte. Hiruff spreche wir mann zu Donen das recht vnd wissen es nicht besser, das Petir Brawchatsch bey seynen eldisten furstlichin briuen mogelichin bleibet, also das her des briues vnd der artikel dorynne geschrebin noch irem lowte vnd vsweisunge gebrewche, weiset denne der heuptbriff aus eynen sulchin artikel also in der copien geschrebin stet in desin wortin, dorczu vorleihen wir dem vorgenanten Boly vnd synen erbin in vnserm vulde der gnant ist Gola vnd in alle vnsern weldin folle freyheit in weidin vnd in holczen zu allin noczczin, hazen vnd rehie zu fohen, bette denne Petir Brauchatsch awir eynen sulchin artikel sich der stat freyheit icht wedir recht vndirwunden, des her bekente, adir vor en mit rechte vndirwunnen werde, das muste her der stat vorbuszen vnd dorumme leidin, als vil, als recht were von rechtiswegin, das dese recht gerecht seyn. Gegeben czu Donyn am freytage vor Judica vndir Hans Joden des heuptmans ingesegil, des wir manschaft mit em gebruchen; des begertin sy an beidin teilen desis briues vnd der frist, dy wordin en geteilet von rechtis wegin. Gescheen am dinstage noch Judica, noch Crists gebort virczenhundirt iar im virvnddreysigisten iare.

O. d. St. L. No. 346. Das Siegel des Hofrichters, im Wappenschilde ein springendes Pferd und das Mannensiegel.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866